以前圣诞交换礼物，Miss Sunny都会收到 水晶球 。摇一摇就见到漫天飞雪嘅小小世界，完全想令人置身其中，感受圣诞气氛！今年去上水广场就可以变成巨型水晶球嘅主角喇！唔单止有4.5米高立体幻彩水晶球装置，仲可以一睹由奥地利维也纳水晶球博物馆带到香港嘅逾60件精选作品。趁圣诞一齐去参观吧！

走入 4.5米高飘雪 水晶球 世界

一去到上水广场中庭，Miss Sunny就见到大大个4.5米高立体幻彩水晶球，入面就係充满欧陆风嘅维也纳圣诞村，仲会定时飘下烟雾泡泡，只需伸手入橱窗内，就可以轻托幻彩泡泡。被触到嘅泡泡会一瞬间化成缕缕轻烟，再配合特别灯光效果下，浪漫度爆灯！

任睇60款华丽手造水晶球

从巨型水晶球回到现实，旁边仲有逾60个由世纪古董至近代华丽手造水晶球畀大家慢慢欣赏。每一个水晶球都係由全球首个专利注册，发明飘雪水晶球的Erwin Perzy家族人手製造，由奥地利维也纳水晶球博物馆带到上水广场，每一件都极具价值！喺「品牌合作」、「经典圣诞」、「古董」、「维也纳着名建筑」、「滑雪」、「可爱雪人」、「甜品」、「圣诞老人」、「维也纳摩天轮」、「动物」和「特别设计」11大系列中，Miss Sunny 最锺意就係 Erwin Perzy III 夫妇为今次展览而设计嘅全球唯一Erwin Perzy家族特别版「闪亮香港」水晶球。尖沙咀钟楼加上飘雪，再配合维港璀璨海景嘅画作，令香港变得不一样呢！

换领限量版手造礼品

睇完展览，Miss Sunny都心郁郁想有一个属于自己嘅水晶球！今次上水广场就同本地手作人A Little Bit联乘推出圣诞限量版立体水晶球颈链，只要喺商场以电子货币消费满指定金额或者凭指定 VIP 积分，就有机会换到一条了。除此之外，上水广场仲準备咗其他圣诞窝心礼物——包括： Light me Christmas LED水晶保鲜花夜光瓶同三款欧陆童话曲奇礼盒等你免费换领！

关注WeChat抽大奖

咪走住！有 WeChat 嘅Miss Sunny 梗係关注埋「香港上水广场」帐号，参加「WeChat飘雪圣诞密密赏」线上游戏啦！大奖有机会赢取iPhone智能产品乙份（名额3个）或其他丰富礼品㗎！

抱抱维也纳原创水晶球珍藏展

时间：10am – 10pm

地点：上水广场2楼中庭